Zain Nadella: ಮೈಕ್ರೋಸಾಫ್ಟ್ CEO ಸತ್ಯ ನಾದೆಲ್ಲಾ ಪುತ್ರ ಝೈನ್ ನಾದೆಲ್ಲಾ ನಿಧನ

ವಾಷಿಂಗ್ಟನ್​​ : ಮೈಕ್ರೋಸಾಪ್ಟ್​​​​​​​​ ಸಿಇಓ ಸತ್ಯ ನಾದೆಲ್ಲ ಅವರ ಮಗ ಝೈನ್​​​​ ನಾದೆಲ್ಲ (26 ವರ್ಷ) ಸೋಮವಾರ ಬೆಳಿಗ್ಗೆ ನಿಧನರಾಗಿದ್ದಾರೆ.

ಹೈದರಾಬಾದ್ ಮೂಲಕ ಸತ್ಯ ನಾದೆಲ್ಲಾ ಹಾಗೂ ಅನುಪಮಾ ದಂಪತಿಯ ಮಗ ಝೈನ್ ನಾದೆಲ್ಲಾ ಅವರು ಹುಟ್ಟಿನಿಂದಲೂ ಸೆರೆಬ್ರಲ್ ಪಾಲ್ಸಿ ಸಮಸ್ಯೆಯಿಂದ (ಮೆದುಳಿನ ನರಕ್ಕೆ ಸಂಬಂಧಿಸಿದ ಕಾಯಿಲೆ) ಬಳಲುತ್ತಿದ್ದರು.

ಝೈನ್​​​ ನಾದೆಲ್ಲಾ ಅವರ ಸಾವಿನ ಸುದ್ದಿಯನ್ನು ಮೈಕ್ರೋಸಾಫ್ಟ್ ಕಂಪನಿಯು ಇಮೇಲ್‌ ಮೂಲಕ ತನ್ನ ಉನ್ನತ ಸಿಬ್ಬಂದಿಗೆ ಝೈನ್​ ನಿಧನರಾಗಿರುವ ವಿಚಾರವನ್ನು ತಿಳಿಸಿದೆ. ಮೈಕ್ರೋಸಾಫ್ಟ್ ಕಾರ್ಯನಿರ್ವಾಹಕರು ಸತ್ಯ ನಡೆಲ್ಲಾ ಅವರ ಕುಟುಂಬಕ್ಕೆ ಮಗನ ಸಾವಿನ ನೋವಿನ್ನು ತಡೆಯುವ ಶಕ್ತಿ ನೀಡಲಿ ಎಂದು ಮೇಲ್​ನಲ್ಲಿ ಹೇಳಲಾಗಿದೆ.

1992ರಲ್ಲಿ ವಿವಾಹವಾದ ಸತ್ಯ ಮತ್ತು ಅನುಪಮಾ ದಂಪತಿಗೆ ಒಟ್ಟು ಮೂವರು ಮಕ್ಕಳು. ಅವರ ಏಕೈಕ ಗಂಡು ಮಗ ಝೈನ್ ಅವರು ಸೆರೆಬ್ರಲ್ ಪಾಲ್ಸಿ ಕಾಯಿಲೆಯಿಂದ ಬಳಲುತ್ತಿದ್ದು, ಅವರ ದೃಷ್ಟಿ ಸಮಸ್ಯೆಗೆ ತುತ್ತಾಗಿದ್ದರು. ಸತ್ಯ ದಂಪತಿಗೆ ಇಬ್ಬರು ಹೆಣ್ಣುಮಕ್ಕಳಿದ್ದಾರೆ.