Kamal Haasan: ಬಹುಭಾಷಾ ನಟ ಕಮಲ್ ಹಾಸನ್​​ಗೆ ಕೋವಿಡ್​​ ಪಾಸಿಟಿವ್​​

ಚೆನ್ನೈ: ತಮಿಳು ನಟ ಹಾಗೂ ರಾಜಕಾರಣಿ ಕಮಲ್ ಹಾಸನ್ ಅವರಿಗೆ ಕೊರೋನಾ ಸೋಂಕು ದೃಢಪಟ್ಟಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಅಮೆರಿಕದಿಂದ ಮರಳಿದ ನಂತರ ಸ್ವಲ್ಪ ಕೆಮ್ಮು ಇತ್ತು ಎಂದು ಕಮಲ್ ಹಾಸನ್ ಟ್ವೀಟ್ʼನಲ್ಲಿ ಬಹಿರಂಗಪಡಿಸಿದ್ದಾರೆ. ಈಗ ಅವರನ್ನು ಚೆನ್ನೈನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪ್ರತಿಯೊಬ್ಬರೂ ಜಾಗರೂಕರಾಗಿರಬೇಕು. ಕೋವಿಡ್-19 ಇನ್ನೂ ಹೋಗಿಲ್ಲ ಎಂದಿದ್ದಾರೆ.

‘ನಾನು ಯುಎಸ್ ನಿಂದ ಹಿಂದಿರುಗಿದ ನಂತರ, ನನಗೆ ಸ್ವಲ್ಪ ಕೆಮ್ಮು ಇತ್ತು. ನಾನು ಪರೀಕ್ಷೆ ಮಾಡಿಸಿದಾಗ, ನನ್ನ ಕೋವಿಡ್-19 ಫಲಿತಾಂಶಗಳು ಧನಾತ್ಮಕವಾಗಿವೆ. ಚೆನ್ನೈನ ಆಸ್ಪತ್ರೆಯಲ್ಲಿ ನನಗೆ ಕ್ವಾರಂಟೈನ್ ಮಾಡಲಾಗಿದೆ. ಕೋವಿಡ್-19 ಹೋಗಿಲ್ಲ ಮತ್ತು ಅತ್ಯಂತ ಮುನ್ನೆಚ್ಚರಿಕೆ (ಎಸ್‌ಐಸಿ) ತೆಗೆದುಕೊಳ್ಳಬೇಕು ಎನ್ನುವುದನ್ನು ಜನರು ಅರಿತುಕೊಳ್ಳಬೇಕು ಎಂದಿದ್ದಾರೆ