ಲಂಗು ಲಗಾಮಿಲ್ಲದೆ ನಡೆಯುವ ಈಗಿನ ಮಾಧ್ಯಮ ಚರ್ಚೆಗಳು ಹಲವಾರು ಬಾರಿ ಮಾತಿನ ಪರಿಧಿಯನ್ನು ಮೀರಿ ನಡೆಯುತ್ತಿರುವುದು ಸಾಮಾನ್ಯ.
ನಿನ್ನೆ ಕೂಡ ಮಾಧ್ಯಮ ಚರ್ಚೆಯ ವೇಳೆ ಮಾತಿನ ಅತಿರೇಕದಲ್ಲಿ ಬಿಜೆಪಿ ವಕ್ತಾರ ಸಂಬಿತ್ ಪಾತ್ರ ಮತ್ತು ಕಾಂಗ್ರೆಸ್ ವಕ್ತಾರೆ ಸುಪ್ರಿಯಾ ಶ್ರಿನಾಟೆ ಯಡವಟ್ಟು ಮಾಡಿಕೊಂಡಿದ್ದಾರೆ. ಅವರಿಬ್ಬರ ಮಾತಿನ ಜಟಾಪಟಿ ವಿಡಿಯೋ ವೈರಲ್ ಆಗಿದೆ.
ಮಾಧ್ಯಮದ ಚರ್ಚೆ ಕಾರ್ಯಕ್ರಮ ವೊಂದರಲ್ಲಿ ಬಿಜೆಪಿ ವಕ್ತಾರ ಸಂಬಿತ್ ಪಾತ್ರ, ದೇಶದಲ್ಲಿ ಪ್ರಜಾಪ್ರಭುತ್ವ ಸತ್ತು ಹೋಗಿದೆ ಇಲ್ಲಿ ಬದುಕಲು ಕಷ್ಟವಾಗುತ್ತಿದೆ ಎನ್ನುವ ರಾವುಲ್ ಗಾಂಧಿ ಯಾಕೆ ದೇಶ ಬಿಟ್ಟು ಹೋಗಬಾರದು ಎಂದಾಗ, (ದೇಶ್ ತೇರಾ ಬಾಪ್ ಕಾ ಹೈ ಕ್ಯಾ) ದೇಶ ನಿಮ್ಮ ಅಪ್ಪನದಾ ಎಂದು ಕಾಂಗ್ರೆಸ್ ವಕ್ತಾರೆ ಸುಪ್ರಿಯಾ ಶ್ರಿನಾಟೆ ತಿರುಗೇಟು ನೀಡಿದರು. ಆಗ ವಿಚಲಿತರಾದ ಸಂಬಿತ್ ಪಾತ್ರ ಕೂಡ ತಿರುಗಿ ಸುಪ್ರಿಯಾ ಶ್ರಿನಾಟೆ ಅವರನ್ನು ನಿಮ್ಮ ಅಪ್ಪನದಾ ಎಂದು ಕೇಳಿದರು. ಈಗ ಇದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
