ಹಣಕಾಸು ಸಂಸ್ಥೆಗಳು ಒತ್ತಾಯಪೂರ್ವಕ ಸಾಲ ವಸೂಲಿ ಮಾಡುವಂತಿಲ್ಲ; ಬೆಳಗಾವಿ ಡಿ.ಸಿ ಸೂಚನೆ
ಬೆಳಗಾವಿ: ಕೋವಿಡ್ ಸಂಕಷ್ಟದ ಸಮಯದಲ್ಲಿ ಮೈಕ್ರೋಫೈನಾನ್ಸ್ ಹಾಗೂ ಮತ್ತಿತರ ಹಣಕಾಸು ಸಂಸ್ಥೆಗಳು ಒತ್ತಾಯಪೂರ್ವಕವಾಗಿ ಸಾಲ ವಸೂಲಿ ಮಾಡುವಂತಿಲ್ಲ ಎಂದು ಜಿಲ್ಲಾಧಿಕಾರಿ ಎಂ.ಜಿ.ಹಿರೇಮಠ ಸೂಚನೆ ನೀಡಿದ್ದಾರೆ.
ಜಿಲ್ಲಾ ಮಟ್ಟದ ಸಲಹಾ ಸಮಿತಿ ಹಾಗೂ ಜಿಲ್ಲಾ ಮಟ್ಟದ ಸಮೀಕ್ಷೆ ಸಮಿತಿಯ ಸಂಯುಕ್ತಾಶ್ರಯದಲ್ಲಿ ಸೋಮವಾರ ಜಿಲ್ಲಾಧಿಕಾರಿ ಕಚೇರಿಯ ಸಭಾಂಗಣದಲ್ಲಿ ನಡೆದ ಮೈಕ್ರೋಫೈನಾನ್ಸ್ ಹಾಗೂ ಹಣಕಾಸು ಸಂಸ್ಥೆಗಳ ತ್ರೈಮಾಸಿಕ ಸಭೆಯ ಅಧ್ಯಕ್ಷತೆ ವಹಿಸಿ ಅವರು ಮಾತನಾಡಿದರು.
ಕೋವಿಡ್ -19 ಹಿನ್ನಲೆಯಲ್ಲಿ ಜನರು ಆರ್ಥಿಕ ಸಂಕಷ್ಟದಲ್ಲಿದ್ದು, ಒತ್ತಾಯ ಪೂರ್ವಕವಾಗಿ ಸಾಲ ವಸೂಲಿ ಮಾಡುವಂತಿಲ್ಲ. ಒಂದು ವೇಳೆ ಅಂತಹ ಪ್ರಕರಣಗಳು ಕಂಡುಬಂದಲ್ಲಿ, ಸಮಿತಿ ಸಭೆಯಲ್ಲಿ ಚರ್ಚಿಸಿ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಅವರು ತಿಳಿಸಿದರು.
ಬ್ಯಾಂಕ್ ಗಳ ಸಾಧನೆಗೆ ಮೆಚ್ಚುಗೆ ವ್ಯಕ್ತಪಡಿಸಿದ ಜಿಲ್ಲಾಧಿಕಾರಿಗಳು ಚಾಲ್ತಿಯಲ್ಲಿರುವ ಕಠಿಣ ಪರಿಸ್ಥಿತಿಗಳಿಂದಾಗಿ ಎಂಎಫ್ಐ ಮತ್ತು ಎನ್ಬಿಎಫ್ಸಿಗಳು ಕಠಿಣ ಚೇತರಿಕೆ ಕ್ರಮಗಳಿಗೆ ಹೋಗದಂತೆ ಸಲಹೆ ನೀಡಿದರು.
ಬೆಳಗಾವಿಯಲ್ಲಿ ಕೈಗೆಟುಕುವ ವಸತಿ ಯೋಜನೆಗಳು ಬೆಳಗಾವಿ ಮತ್ತು ನಿಪ್ಪಾನಿಯಲ್ಲಿ ಪ್ರಾರಂಭವಾಗಿವೆ. ಯೋಜನಾ ನಿರ್ದೇಶಕ ಡಿಯುಡಿಸಿ ಬ್ಯಾಂಕರ್ಗಳಿಗೆ ಸಾಲವನ್ನು ಶೀಘ್ರವಾಗಿ ಮಂಜೂರು ಮಾಡುವಂತೆ ಅಧಿಕಾರಿಗಳಿಗೆ ಸೂಚನೆ ನೀಡಿದರು.
ಕೋವಿಡ್ ಪರಿಸ್ಥಿತಿಗಳಿಂದಾಗಿ ಆತ್ಮ ನಿರ್ಭರ್ ನಿಧಿ ಅಡಿಯಲ್ಲಿ ಬೀದಿ ವ್ಯಾಪಾರಿಗಳಿಗೆ ಆದ್ಯತೆ ನೀಡುವಂತೆ ಸಲಹೆ ನೀಡಿದರು.
ಕೃಷಿ ಮತ್ತು ಸಂಬಂಧಿತ ಚಟುವಟಿಕೆಗಳಿಗೆ ಎಫ್ಪಿಒಗಳಂತೆ ಅವಧಿ ಸಾಲವನ್ನು ಹಣಕಾಸು ಮಾಡಲು ಮತ್ತು ಸಮಗ್ರ ಕೃಷಿಯನ್ನು ಪ್ರೋತ್ಸಾಹಿಸಲು ಬ್ಯಾಂಕರ್ಗಳಿಗೆ ಸೂಚಿಸಲಾಯಿತು ಮತ್ತು ಇದು ರೈತರ ಆದಾಯವನ್ನು ದ್ವಿಗುಣಗೊಳಿಸಲು ಸಹಾಯಕವಾಗಲಿದೆ ಎಂದು ಜಿಲ್ಲಾಧಿಕಾರಿ ಎಂ.ಜಿ.ಹಿರೇಮಠ ತಿಳಿಸಿದರು.
ಇದೇ ವೇಳೆ, 2020-21 ರ ವಾರ್ಷಿಕ ಜಮಾ ಯೋಜನೆಯನ್ನು ಮಂಡಿಸಲಾಯಿತು. ಅದರ ಪ್ರಕಾರ ರೂ.17052 ಕೋಟಿ ಗುರಿ ಹೊಂದಲಾಗಿತ್ತು. ಜಿಲ್ಲೆಯು ರೂ.21232 ಕೋಟಿ ಗುರಿಯನ್ನು ತಲುಪಿವೆ. ಎಲ್ಲ ಬ್ಯಾಂಕುಗಳು ವಲಯವಾರು ಸಾಧನೆ ಮಾಡಿವೆ. ಕೃಷಿ ಕ್ಷೇತ್ರದಿಂದ ರೂ.9566 ಕೋಟಿ ಗುರಿ ಹೊಂದಿದ್ದು, ರೂ.9727 ಕೋಟಿ ಜಮೆ ಆಗಿದೆ. ಶೇಕಡಾ 102 ರಷ್ಟು ಜಮೆಯಾಗಿದೆ. ಅದೇ ರೀತಿ, ಎಮ್.ಎಸ್.ಎಮ್.ಈ. ಕ್ಷೇತ್ರದಿಂದ ರೂ.3225 ಕೋಟಿ ಗುರಿ ಹೊಂದಿದ್ದು, ರೂ.4233 ಕೋಟಿ ಜಮೆ ಆಗಿದೆ. ಶೇಕಡಾ 131 ರಷ್ಟು ಜಮೆಯಾಗಿದೆ. ಪ್ರಿಯಾರಿಟಿ ಹಾಗೂ ನಾನ್ ಪ್ರಿಯಾರಿಟಿ ಕ್ಷೇತ್ರಗಳಲ್ಲಿಯೂ ಉತ್ತಮ ಸಾಧನೆ ಮಾಡಲಾಗಿದೆ. 2012-22 ನೇ ಸಾಲಿಗೆ ಪ್ರಿಯಾರಿಟಿ ಹಾಗೂ ನಾನ್ ಪ್ರಿಯಾರಿಟಿ ಕ್ಷೇತ್ರಗಳಿಗೆ ರೂ.19674 ಕೋಟಿ ಗುರಿ ನೀಡಲಾಗಿದೆ ಎಂದು ತಿಳಿಸಿದರು.
ಸಭೆಯಲ್ಲಿ ಹೆಚ್ಚುವರಿ ಜಿಲ್ಲಾಧಿಕಾರಿ ಅಶೋಕ ದುಡಗುಂಟಿ , ಜಿಲ್ಲಾ ನಗರಾಭಿವೃದ್ಧಿ ಕೋಶದ ಯೋಜನಾ ನಿರ್ದೇಶಕ ಈಶ್ವರ ಉಳ್ಳಾಗಡ್ಡಿ, ಜಿಲ್ಲಾ ಅಗ್ರಣಿ ಬ್ಯಾಂಕ್ ವ್ಯವಸ್ಥಾಪಕ ರಾಹುಲ್ ವಿಂಜಮುರಿ, ಪ್ರಮುಖ ಜಿಲ್ಲಾ ವ್ಯವಸ್ಥಾಪಕರು, ಡಿಡಿಎಂ ನಬಾರ್ಡ್ ಮತ್ತು ಡಿಜಿಎಂ ಕೆನರಾ ಬ್ಯಾಂಕ್, ಎಲ್ಲಾ ಬ್ಯಾಂಕರ್ಗಳು ಮತ್ತು ವಿವಿಧ ಇಲಾಖೆಯ ಅಧಿಕಾರಿಗಳು ಉಪಸ್ಥಿತರಿದ್ದರು.
