ಶಿಖರ್ ಧವನ್ ಜೊತೆಗಿನ ದಾಂಪತ್ಯಕ್ಕೆ ಕೊನೆಹಾಡಿದ ಆಯೆಷಾ ಮುಖರ್ಜಿ

ನವದೆಹಲಿ: ಕ್ರಿಕೆಟ್ ಆಟಗಾರ ಶಿಖರ್ ಧವನ್ ಮತ್ತು ಆಯೆಷಾ ಮುಖರ್ಜಿ ದಾಂಪತ್ಯ ಕೊನೆಗೊಂಡಿದೆ. ಮದುವೆಯಾಗಿ 8 ವರ್ಷಗಳ ಬಳಿಕ ಆಯೆಷಾ ಧವನ್​ಗೆ ವಿಚ್ಚೇದನ ನೀಡಿದ್ದಾರೆ.

ತಮ್ಮ ಇನ್ಸ್ಟಾಗ್ರಾಂ ಪೋಸ್ಟ್​ನಲ್ಲಿ ಈ ಬಗ್ಗೆ ಆಯೆಷಾ ಬರೆದುಕೊಂಡಿದ್ದು, ಇದು ತಮ್ಮ ಬದುಕಿನಲ್ಲಿ ಎರಡನೇ ವಿಚ್ಚೇದನ ಎಂದು ಹೇಳಿದ್ದಾರೆ.

ಧವನ್ ಮತ್ತ ಆಯೆಷಾ 2012ರಲ್ಲಿ ಮದುವೆಯಾಗಿದ್ದರು. ಅವರಿಗೆ ಒಬ್ಬ ಮಗನಿದ್ದಾನೆ.

ಸದ್ಯ ಧವನ್ ಕೋವಿಡ್ ಕಾರಣದಿಮದ ಮುಂದಕ್ಕೆ ಹೋಗಿರುವ ಈ ಬಾರಿಯ ಐಪಿಎಲ್ ಪಂದ್ಯದಲ್ಲಿ ಆಡಲು ಯುಇಎನಲ್ಲಿ ಅಭ್ಯಾಸದಲ್ಲಿ ತೊಡಗಿದ್ದಾರೆ. ಈ ನಡುವೆಯೇ ಪತ್ನಿ ಆಯೆಷಾ ಈ ವಿಚ್ಚೇದನ ವಿಚಾರ ಪ್ರಕಟಿಸಿದ್ದು, ಧವನ್ ಪ್ರತಿಕ್ರಿಯಿಸಿಲ್ಲ.

ಮದುವೆಯಾದಂದಿನಿಂದ ಕಳೆದ ಎರಡು ವರ್ಷಗಳವರೆಗೂ ಒಟ್ಟೊಟ್ಟಿಗೇ ಕಾಣಿಸಿಕೊಳ್ಳುತ್ತಿದ್ದ ಧವನ್-ಆಯೆಷಾ, ಐಪಿಎಲ್ ಪಂದ್ಯದ ವೆಳೆಯೂ ಡಗ್​ಔಟ್​ನಲ್ಲಿ ಕಾಣಿಸಿಕೊಂಡು ಧವನ್​ಗೆ ಚಿಯರ್ ಮಾಡುತ್ತಿದ್ದುದಿತ್ತು. ಆದರೆ ಅದೆಲ್ಲ ನಿಂತು ಆಗಲೇ ಎರಡು ವರ್ಷಗಳೇ ಸಂದಿಹೋಗಿದ್ದವು.

ಆಸ್ಟ್ರೇಲಿಯಾದ ಮೆಲ್ಬೋರ್ನ್​ನವರಾದ ಆಯೆಷಾ ಅವರಿಗೆ ಧವನ್ ಜೊತೆಗಿನದು ಎರಡನೇ ಮದುವೆ. ಅದಕ್ಕೂ ಮೊದಲು ಅವರು ಆಸ್ಟ್ರೇಲಿಯಾದ ಉದ್ಯಮಿಯೊಬ್ಬರನ್ನು ಮದುವೆಯಾಗಿ, ಅವರಿಂದ ಎರಡು ಹೆಣ್ಣುಮಕ್ಕಳನ್ನು ಪಡೆದಿದ್ದರು.

ಧವನ್ ಜೊತೆಗಿನ ವಿಚ್ಚ್ಏದನಕ್ಕೆ ನಿಖರ ಕಾರಣವನ್ನು ಆಯೆಷಾ ಸ್ಪಷ್ಟಪಡಿಸದಿದ್ದರೂ,
ಕುಟುಂಬದಲ್ಲಿನ ಇತ್ತೀಚಿನ ಕೆಲವು ಬೆಳವಣಿಗೆಗಳಿಂದ ಮನನೊಂದು ಈ ನಿರ್ಧಾರಕ್ಕೆ ಬಂದಿರುವ ಸುಳಿವು ನೀಡಿದ್ದಾರೆ.

ಇನ್ಸ್ಟಾಗ್ರಾಂನ ತಮ್ಮ ಪೋಸ್ಟ್​ನಲ್ಲಿ ಈ ಬಗ್ಗೆ ತುಸು ದೀರ್ಘವಾಗಿಯೇ ಬರೆದುಕೊಂಝಡಿರುವ ಆಯೆಷಾ, ಈ 2ನೇ ವಿಚ್ಚೇದನ ಪಡೆಯುವವರೆಗೂ ವಿಚ್ಚೇದನ ಎಂಬುದೊಂದು ಕೆಟ್ಟ ಪದ ಎಂದೇ ಭಾವಿಸಿದ್ದೆ ಎಂದು ಹೇಳಿರುವುದು ಸೂಚ್ಯವಾಗಿದೆ.