ನವದೆಹಲಿ: ಉಕ್ರೇನ್ ರಾಜಧಾನಿ ಕೀವ್ ನಿಂದ ಪ್ರಯಾಣಿಕರನ್ನು ಹೊತ್ತ ಏರ್ ಇಂಡಿಯಾ ವಿಮಾನ ನಿಲ್ದಾಣ ಮಂಗಳವಾರ ತಡರಾತ್ರಿ ರಾಷ್ಟ್ರ ರಾಜಧಾನಿ ದೆಹಲಿಗೆ ಬಂದಿಳಿಯಿತು. ಏನ್ ಇಂಡಿಯಾ ಈ ತಿಂಗಳ 24,25 ಮತ್ತು 26ರಂದು ಭಾರತ ಮತ್ತು ಉಕ್ರೇನ್ ನಡುವೆ ಎರಡು ವಿಶೇಷ ವಿಮಾನಗಳನ್ನು ನಿರ್ವಹಿಸಲಿದೆ. ಏರ್ ಇಂಡಿಯಾ ಈ ಮೊದಲು ಉಕ್ರೇನ್ ಗೆ ಯಾವುದೇ ವಾಣಿಜ್ಯ ವಿಮಾನಗಳನ್ನು ನಿರ್ವಹಿಸಿರಲಿಲ್ಲ.
ಆದಾಗ್ಯೂ, ಉಕ್ರೇನ್ ನಲ್ಲಿರುವ ಭಾರತೀಯ ನಾಗರಿಕರನ್ನು ಮರಳಿ ಕರೆತರಲು ಏರ್ ಇಂಡಿಯಾ ಉಪಕ್ರಮವನ್ನು ತೆಗೆದುಕೊಂಡಿದೆ. ಉಕ್ರೇನ್ ನಿಂದ ಬೇಡಿಕೆಗನುಗುಣವಾಗಿ ಇತರ ಕೆಲವು ಭಾರತೀಯ ನಿರ್ವಾಹಕರು ತಮ್ಮ ವಿಮಾನ ಸೇವೆಗಳನ್ನು ಪ್ರಾರಂಭಿಸುವ ನಿರೀಕ್ಷೆ ಇದೆ.
ರಷ್ಯಾ-ಉಕ್ರೇನ್ ನಡುವೆ ಮುಂದುವರಿದ ಉದ್ವಿಗ್ನತೆ ಮತ್ತು ಪ್ರಸ್ತುತ ಪರಿಸ್ಥಿತಿಯ ಅನಿಶ್ಚಿತತೆಯ ದೃಷ್ಟಿಯಿಂದ ಹೆಚ್ಚುವರಿ ವಿಮಾನಗಳನ್ನು ಸಹ ಆಯೋಜಿಸಲಾಗುತ್ತಿದೆ ಎಂದು ಉಕ್ರೇನ್ ನಲ್ಲಿರುವ ಭಾರತೀಯ ರಾಯಭಾರ ಕಚೇರಿ ತಿಳಿಸಿದೆ.
ಈ ತಿಂಗಳ 25 ಮತ್ತು 27 ಹಾಗೂ ಮಾರ್ಚ್ 6ರಂದು ಕೀವ್ ನಿಂದ ದೆಹಲಿಗೆ 4 ವಿಮಾನಗಳು ಹೊರಡಲಿವೆ ಎಂದು ರಾಯಭಾರ ಕಚೇರಿ ತಿಳಿಸಿದೆ. ಪ್ರಸ್ತುತ ಏರ್ ಅರೇಬಿಯಾ, ಫ್ಲೈ ದುಬೈ, ಕತಾರ್ ಎರ್ವೇಸ್ ಮತ್ತಿತರ ವಿಮಾನಯಾನ ಸಂಸ್ಥೆಗಳು ಉಕ್ರೇನ್ ನಿಂದ ಭಾರತಕ್ಕೆ ತಮ್ಮ ವಾಡಿಕೆಯ ವಿಮಾನಗಳನ್ನು ನಿರ್ವಹಿಸುತ್ತಿವೆ ಎಂದು ಅದು ಹೇಳಿದೆ.
ಈ ವಿಮಾನಯಾನ ಸಂಸ್ಥೆಗಳಿಗೆ ಬುಕ್ಕಿಂಗ್ ಗಳನ್ನು ಏರ್ ಲೈನ್ ಕಚೇರಿಗಳು, ವೆಬ್ ಸೈಟ್ ಗಳು, ಕಾಲ್ ಸೆಂಟರ್ ಗಳು ಮತ್ತು ಅಧಿಕೃತ ಟ್ರಾವೆಲ್ ಏಜೆಂಟ್ ಗಳ ಮೂಲಕ ಮಾಡಬಹುದು.